රැකියා සදහා විදේශගත වීමට බලාපොරොත්තු වන කාන්තාවන්ගේ පවුල් පසුබිම පිළිබඳ ලබාදිය යුතු වාර්තාව සම්බන්ධයෙන් මෙතෙක් නිකුත් කරන ලද සියලුම චක්‍රලේඛ සහ ලිපි මඟින් ලබා දෙන ලද උපදෙස් සියල්ල මෙයින් අවලංගු කරන අතර  2022 ජුනි මස 27 දින පැවති අමාත්‍ය මණ්ඩල තීරණ ක්‍රියාත්මක  කිරීමට කම්කරු හා විදේශ රැකියා අමාත්‍යාංශ ලේකම් විසින් 01/2002 චක්‍රලේඛ අංක යටතේ පහත උපදෙස් නිකුත් කරන ලද අතර මෙහි  විධි විධාන 2022 ජූලි මාස 12 දින සිට ක්‍රියාත්මක වේ.

01 රැකියාවක්  සදහා විදේශගත වීමට  අපේක්ෂිත  සියලුම කාන්තාවන් විසින් තමන්ගේ සිටින/ නොසිටින  බව හා වයස අවුරුදු දෙක හෝ ඊට වැඩි වයසැති දරුවන් සිටින කාන්තාවන් විසින් එම දරුවන්ගේ රැකවරණය හා අධ්‍යාපනය සැලසීම අදාළ වැඩපිළිවෙල දිවුරුම් ප්‍රකාශ මගින් තහවුරු කළ යුතු වේ.

02 එහිදී දරුවන් නොමැති කාන්තාවන් විසින් තමන්ට දරුවන් නොමැති බව ඇමුණුම 1 හි සඳහන් ආකෘති පත්‍රය ප්‍රකාරව ද , වයස අවුරුදු දෙක හෝ ඊට වැඩි වයසැති දරුවන් සිටින කාන්තාවන් විසින් එම දරුවන්ගේ රැකවරණය හා අධ්‍යාපනය සැලසීමට අදාල වැඩපිළිවෙළ සහ දිවුරුම් ප්‍රකාශ ඇමුණුම දෙකේ හි සඳහන් ආකෘති පත්‍රය ප්‍රකාරව ද ලබා දිය යුතු වේ.

03 මෙම චක්‍රලේඛය ක්‍රියාත්මක කිරීමේ කාර්යන් සඳහා දරුවා යන්නෙන් අදහස් කරනුයේ වයස අවුරුදු 18 ට අඩු අවිවාහක දරුවන් පමණි.

04 වයස අවුරුදු 2 ට අඩු දරුවන් සිටින කාන්තාවන්ට  රැකියාවක් සඳහා විදේශගත වීමට අවසර දෙනු නොලැබේ.

05 තාව ද , ඉහත ඇමුණුම් 1 හා 2 හි සඳහන් කැරුණු වල නිරවද්‍යතාවය අයදුකාරිය පදිංචි වසමෙහි ග්‍රාම නිලධාරී ලව සහතික කර , අදාළ ප්‍රාදේශීය ලේකම් කාර්යාලයට ලබා දිය යුතුය.

06 විදේශගත වීමට  අපේක්ෂිත  සියලුම කාන්තාවන්ගෙන් මෙම ලියකියවිලි ලද පසුව ප්‍රාදේශීය ලේකම් කාර්යාලයට අනුයුක්ත කර සිටින විදේශ රැකියා සංවර්ධන නිලධාරී විසින් එය ලද බවට කෙටි පණිවුඩයක් (SMS) මඟින් විදේශ සේවා නියුක්ති කර්යාංශයයෙහි දුරකථන අංක 071- 4757070 ට වාර්තා කල යුතු වේ. තවද , මෙම SMS පණිවුඩය අදාළ  ලියකියවිලි ලද දිනයේදීම එවීම අනිවාර්ය වේ.

07 අදාළ කාන්තාව විදේශ ගතවන කාල සීමාව තුලදී දරුවන්ගේ රැකවරණය හා අධ්‍යාපනය පිළිබඳ වගකීම දරණ පුද්ගලයා විසින් තමන් එහි වගකීම දරණ බවට දිවුරුම් ප්‍රකාශයක් ලබා දිය යුතු වේ.

08 අදාල කාන්තාව විදේශ රැකියාව අවසන් කර මෙරටට පැමිණෙන තුරු දරුවන්ගේ රැකවරණය දරන තැනැත්තා රැකියාවක් සඳහා විදේශගත වීමට ඉල්ලුම් කරන්නේ නම් දරුවෙඅන්ගේ රැකවරණය වෙනුවෙන් විකල්ප සැලැස්මක් ඉදිරීපත් කල යුතු වේ.

09 එක් අයෙක් සඳහා ඉදිරීපත් කරන ලද වර්තාවක වලංගු කාලය SMS පණිවුඩය යොමු කල දිනයේ සිට මාස 9 ක කාලයකි. එම කාලය තුල විදේශ ගත වීමට අපොහොසත් වුවහොත් අයදුම්කාරිය විසින් නව අයදුම් පත්‍රයක් ලබා දිය යුතු අතර එය පදනම් කරගෙන SMS පණිවුඩය නැවත යොමු කිරීම අවශ්‍ය වේ.

10 වයස අවුරුදු 2 ට අඩු දරුවන් සිටින මවුවරුන්  එකී  දරුවා/ දරුවන් රැගෙන විදේශගත වන්නේ න ම් දරුවා/ දරුවන්ගේ ගමන් බලපත්‍ර සහ වලංගු වීසා පිටපත් ඉදිරීපත් කල යුතු අතර එහි නිරවද්‍යතාවය පරීක්ෂා කිරීමෙන් පසු ප්‍රාදේශීය ලේකම් හෝ ප්‍රාදේශීය ලේකම් විසින් බලය පවරන ලද මාණ්ඩලික නිධාරියකුට  ඒ සඳහා අවසර ලබා දීමේ හැකියාව පවතී. ඒ පිළිබඳ අදාළ දරුවා/ දරුවන්ගේ තොරතුරු ද ඇතුලත්කර විදේශ සේවා නියුක්ති කර්යාංශය වෙත ලිඛිතව දැනුම් දිය යුතු වේ.