කොළඹ දිස්ත්රික් සම්බන්ධිකරණ කමිටු රැස්වීම කොළඹ දිස්ත්රික් සම්බන්ධීකරණ කමිටු ගරු සභාපති පාර්ලිමේන්තු මන්ත්රී ප්රදීප් උඳුගොඩ මහතාගේ හා කොළඹ දිස්ත්රික් ලේකම් / දිසාපති ප්රදීප් යසරත්න මහතාගේ ප්රධානත්වයෙන් පසුගිය නොවැම්බර් 01 දින කොළඹ දිස්ත්රික් ලේකම් කාර්යාලයේ ප්රධාන ශ්රවණාගාරයේ දී පැවැත්විණි."රටේ කිසිඳු පුරවැසියෙක් ආහාර නොමැතිකම නිසා කුසගින්නේ නොසිටිය යුතුයි" යන්න අරමුණු කරගනිමින් රජය විසින් ක්රියාත්මක කල ආහාර සුරක්ෂිතතාවය හා පෝෂණය පිළිබඳ බහුආංශික ඒකාබද්ධ යාන්ත්රණය ක්රියාත්මක කිරීමේ වැඩසටහන පිළිබඳව, එය ක්රියාත්මක කලයුතු ආකාරය, ඉදිරියේදී ක්රියාත්මක කිරීමට බලාපොරොත්තු වන නව ව්යපෘති යන කරුණු පිළිබඳව ජාතික ආහාර සුරක්ෂිතතාව පිළිබඳ ජනාධිපති උපදේශක ආචාර්ය සුරේන් බටගොඩ මහතා මෙහිදී දීර්ඝ විස්තරයක් කළේය. මෙම වැඩසටහනට අදාල සියලුම අංශ ආදර්ශමත්ව කල හැකි ප්රධානතම දිස්ත්රික්කය කොළඹ දිස්ත්රික්කය බව බටගොඩ මහතා විසින් සඳහන් කළේය. වෘත්තීය සුදුසුකම් වලින් හෙබි අනාගත පරපුරක් බිහිකිරීමෙහිලා නිලධාරීන් කැපවිය යුතු බවත් ආර්ථික සංවර්ධනයට එය මහඟු පිටුවහලක් වන බවත් මෙහිදී විස්තර කෙරිණි.
පාර්ලිමේන්තු මන්ත්රි ගාමිණී ලොකුගේ මහතා, පාර්ලිමේන්තු මන්ත්රි (ආචාර්ය) සරත් වීරසේකර මහතා මෙම රැස්වීම සඳහා සහභාගී වූ අතර කොළඹ දිස්ත්රික්කය තුල පවතින විවිධ ගැටළු මොනවාද, ඒවාට ගතයුතු ක්රියාමාර්ග කවරේද යන්න පිළිබඳ ඔවුන්ගේ අවධානයට යොමුවිය.
දිස්ත්රික්කයේ දරුවන්, ගැබිණි කාන්තාවන් හා කිරිදෙන මව්වරුන්ගේ පෝෂණ තත්වයන් පිළිබඳව මෙහි අවධානය යොමු කල අතර කොළඹ දිස්ත්රික්කයේ පොහොර බෙදාදීම සම්බන්ධව, යල කන්නයේ වී වගාවේ ප්රගතිය සම්බන්ධව හා දිස්ත්රික් සම්බන්ධිකරණ කමිටුවට ලැබී ඇති ලිපි හා ඒවායේ ගැටළු වලට ගත හැකි ක්රියාමාර්ග සම්බන්දව ඒ ඒ නිලධාරීන් සමඟ සාකච්ඡා කර සුදුසු තීරණ ගැනීමට උපදෙස් ලබාදීම මෙහිදී සිදුකරන ලදී.
කොළඹ දිස්ත්රික් ක්රමසම්පාදන අධ්යක්ෂ සේනක සිල්වා මහතා විසින් වැඩසටහන සම්බන්ධීකරණය හා මෙහෙයවීම සිදුකල අතර දිස්ත්රික් ලේකම් කාර්යාල නිලධාරීන්, කොළඹ දිස්ත්රික්කයේ ප්රාදේශීය ලේකම්වරුන්, ඇතුළු රාජ්ය ආයතන නියෝජනය කරන නිලධාරීන් පිරිසක් මේ සඳහා සහභාගිවුහ.
- කොළඹ දිස්ත්රික් මාධ්ය ඒකකය -
 |
|
 |
||
 |
 |
 |
||
 |
 |
 |
||
 |
 |