බේරේ වැව ආශ්රිත සංචාරක කාලපයක් ස්ථාපිත කිරීමේ වැඩසටහන සම්බන්ධයෙන් පැවති සාකච්ඡාවක් කොළඹ දිස්ත්රික් ලේකම් / දිසාපති කේ.ජි. විජේසිරි මහතාගේ ප්රධානත්වයෙන් කොළඹ ගංගාරාම විහාරස්ථානය අසල බේරේ දූපතේදී ලෝක ජල දිනය ලෙස යෙදී තිබෙන මාර්තු 22 එනම් ඊයේ දිනයේදී පැවැත්විණි.බේරේ වැව ආශ්රිත ප්රදේශය සංචාරක කාලපයක් ලෙස ප්රවර්ධනය කිරීම සඳහා වන වැඩසටහනට සමගාමිව එහි පවතින තත්වය නිරීක්ෂණය කිරීම සඳහා දිසාපතිතුමන් ඇතුළු රාජ්ය නිලධාරීන් පිරිසක් එහි නිරීක්ෂණ චාරිකාවක පසුගිය පෙබරවාරි 09 දා යෙදී තිබිණි. එහිදී බේරේ දුපත අවට පරිසරය පිරිසිදු කර සංවර්ධනය කිරීම සඳහා තීරණය කෙරුණු අතර එහි මුලික වැඩකටයුතු පසුගියදා ආරම්භ කරන ලදී. බේරේ දූපතට පිවිසීමට ඇති පාලම අලුත්වැඩියා කිරීම ඇතුළු එම ව්යාපෘතියේ ඉදිරි කටයුතු සිදුකිරීම සම්බන්ධයෙන් මෙහිදී සාකච්ඡා කෙරිණි.
මෙම සාකච්ඡාව සඳහා ගරු අග්රාමාත්ය සම්බන්ධීකරණ ලේකම් වී.එම්.පෙරේරා මහතා, නාගරික සංවර්ධන අධිකාරියේ අධ්යක්ෂ ජනරාල් ප්රසාද් රණවීර මහතා, කොළඹ ප්රාදේශීය ලේකම් නාලක රත්නායක මහතා කොළඹ දිස්ත්රික් ලේකම් කාර්යාලය නියෝජනය කරමින් කොළඹ දිස්ත්රික් ක්රමසම්පාදන අධ්යක්ෂ සේනක සිල්වා මහතා, අතිරේක දිස්ත්රික් ලේකම් කාංචනා ගුණවර්ධන මහත්මිය සහ ශ්රී ලංකා සංචාරක සංවර්ධන අධිකාරිය, ශ්රී ලංකා වරාය අධිකාරිය, ශ්රි ලංකා ඉඩම් සංවර්ධනය කිරිමේ සංස්ථාව, DIMO Lanka, යන ආයතන නියෝජනය කරන නිලධාරීන් ඇතුළු රාජ්ය නිලධාරීන් පිරිසක් සහභාගීවිය.
- කොළඹ දිස්ත්රික් මාධ්ය ඒකකය -
. 
. 
