කොළඹ දිස්ත්රික් විශේෂ සම්බන්ධීකරණ කමිටු රැස්වීම දිස්ත්රික් සම්බන්ධීකරණ කමිටු සම සභාපති, කොළඹ දිස්ත්රික් ගරු පාර්ලිමේන්තු මන්ත්රී ආචාර්ය ප්රදීප් උඳුගොඩ මහතා, දිස්ත්රික් සම්බන්ධීකරණ කමිටු සම සභාපති, බස්නාහිර පළාත් ගරු ආණ්ඩුකාරවර මාර්ෂල් ඔෆ් ද එයාර් ෆෝස් රොෂාන් ගුණතිලක මහතා හා කොළඹ දිස්ත්රික් ලේකම් / දිසාපති කේ. ජි. විජේසිරි මහතා යන මහත්වරුන්ගේ ප්රධානත්වයෙන් පසුගිය ජනවාරි 10 දින කොළඹ දිස්ත්රික් ලේකම් කාර්යාල ශාවණාගාරයේ දී පැවැත්විණි.
පක්ෂ විපක්ෂ නියෝජනය කරමින් පාර්ලිමේන්තු මන්ත්රී ගාමිණී ලොකුගේ, පාර්ලිමේන්තු මන්ත්රී සරත් වීරසේකර, පාර්ලිමේන්තු මන්ත්රී එස්. එම්. මරික්කාර්, පාර්ලිමේන්තු මන්ත්රී ජයන්ත කැටගොඩ, පාර්ලිමේන්තු මන්ත්රී ජගත් කුමාර යන මහත්වරුන් ද මෙම අවස්ථාව සඳහා සහභාගී විය.
මෙහි දී මෙම වර්ෂය තුළ විමධ්යගත අයවැය වැඩසටහන දිස්ත්රික්කයේ ක්රියාත්මක කිරීම සම්බන්ධයෙන් දේශපාලන අධිකාරිය හා වැඩසටහනට අදාළ රාජ්ය නිලධාරීන් ද දැනුවත් කිරීම පිළිබඳ මෙහි දී සාකච්ඡා කෙරිණි.
කොළඹ දිස්ත්රික් ලේකම් කාර්යාලය නියෝජනය කරන නිලධාරීන්, කොළඹ දිස්ත්රික්කයේ ප්රාදේශීය ලේකම්වරුන් ඇතුළු රාජ්ය නිලධාරීන් රැසක් මෙම අවස්ථාවට එක්ව සිටියහ.
