“එකමුතුව එක්වෙමු – පිරිසිදු ශ්රී ලංකාවක් ගොඩනගමු” යන තේමාව යටතේ සංවිධානය කරන ලද “අත්තම” ජාතික පවිත්රතා දින වැඩසටහනට සමගාමීව කොළඹ දිස්ත්රික් වැඩසටහන මට්ටක්කුළිය කාකදූපත පරිශ්රයේදී වෙරළ තීරය පවිත්රකිරීම අද දින (08) පැවැත්විණි.
වැඩසටහන ප්රජා සංවර්ධන සභා සාමාජිකයන්ගේ මූලිකත්වයෙන්, යුධ හමුදා සාමාජිකයන්ගේ සහ ප්රදේශවාසී ජනතාවගේ සහභාගිත්වයෙන් වෙරළ උද්යාන කලමණාකරන සමිතිය හා කොළඹ ප්රාදේශිය ලේකම් කාර්යාලය එක්ව සංවිධානය කරන ලද මෙම වැඩසටහන සඳහා කාකදූපත ශ්රී බෝධිරාජාරාමය විහාරාධිපති රාජකීය පණ්ඩිත පූජ්ය දිවුල්වැවේ අරියදේව ස්වාමීන්වහන්සේ, පාර්ලිමේන්තුවේ නියෝජ්ය කථානායක රිස්වි සාලි මහතා, පාර්ලිමේන්තු කටයුතු හා මහජන ආරක්ෂාව පිළිබඳ නියෝජ්ය අමාත්ය සුනිල් වටගල මහතා, පාර්ලිමේන්තු මන්ත්රී වෛද්ය නජිත් ඉන්දික මහතා, කොළඹ දිස්ත්රික් ලේකම් ගිනිගේ ප්රසන්න ජනක කුමාර මහතා, යුද හමුදාවේ ආරක්ෂක සේනා මූලස්ථානයේ බටහිර ආඥාපති මේජර් ජනරාල් ලලිත් පෙරේරා මහතා, කොළඹ මහ නගර සභාවේ නියෝජ්ය නගරාධිපති හේමන්ත වීරකෝන් මහතා, කොළඹ ප්රාදේශීය ලේකම් සඳරුවන් අනුරුද්ධ මහතා ඇතුලු රාජ්ය නිලධාරීන් හා දේශපාලන නියෝජිතයින් මෙන්ම ප්රජාව ද කාකදුපත වෙරළ උද්යාන කලමණාකරන සමිතියේ නිලධාරින් හා සාමාජිකයින් සහභාගී විය.
මෙම ප්රධාන වැඩසටහනට අමතරව කොළඹ කොටුව, මරදාන දුම්රිය ස්ථාන ආශ්රිතවද, බැස්ටියන් මාවත බස් නැවතුම්පොළ, ගුණසිංහපුර බස් නැවතුම්පොළ, බේරේ වැව අසල පාවෙන වෙළෙඳසැල් ආශ්රිත පෙදෙස, ඉඟුරුකඩේ හංදිය අසල සිට වරාය පිවිසුම තෙක් කොටස, ඇපල්වත්ත ඇළ ආදී ප්රදේශ පිරිසිදු කිරීමේ වැඩසටහන් සංවිධානය කරන ලදී.
මෙම වැඩසටහන් සංවිධානය කිරීමේදි ශ්රී ලංකා යුධ හමුදාව, කොළඹ මහ නගර සභාව,ශ්රී ලංකා පොලිසිය, ග්රාම නිලධාරීන්, ප්රජාසවිබලගැන්වීමේ නිලධාරීන්, සමෘද්ධි නිලධාරීන්, ප්රජාශක්ති සභාපතිවරු හා ප්රදේශවාසීන්ගෙන් විශාල සහයෝගයක් ලැබීණි.
